الحل الأمثل للأكل الحلال وأنت مسافر: أبليكيشن Zabihah

تطبيق Zabihah للأكل الحلال
December 6, 2016

ناس كتير بتواجه المشكلة ديه أثناء السفر. عايز تاكل وجبة من الوجبات الأساسية اللي هيدوك طاقة عشان تكمل يومك بس مش لاقي مطعم أو مكان بيقدم أكل يكون مذبوح حلال. فبتضطر انك تاكل اكل زي اللي أكلته في الفطار أو تعمل سندوتش بسيط.

الأسم ممكن يكون صعب شوية لكن لو أنت مهتم بانك تاكل اكل حلال طول الوقت وأنت مسافر والأكل ده يكون فيه لحمة وفراخ مش بس بطاطس وبيتزا وفطير، يبقى تستخدم موقع وابليكيشن Zabihah. وده بيقدملك تجميعة من كل العالم بتحتوي على أغلب المطاعم الحلال في أي دولة هتزورها.

مش بس أكل حلال لكن حلو

القائمين على الموقع مش بس بيقدمولك معلومات عن أماكن بتبيع أكل حلال لكن كمان الناس بتقدر تقول رأيها في المكان وجودة الأكل والنظافة والسعر وغيره. الفكرة هنا انك مش بس تلاقي مطعم اكل حلال في أي مكان في العالم لكن كمان تكون مستمتع بالأكل والمكان اللي هتقعد فيه، وده اللي بتعرفه من تعليقات الناس اللي راحت قبليك.

*اقرأ ايضاً: ٦ أكلات تعملهم بسهولة وأنت مسافر

ازاي تاكل حلال وأنت مسافر

مطاعم، مساجد، طيران

غير الأكل في المطاعم، الموقع بيحاول يساعد الناس اللي مهتمة بالنوع ده من الأكل انهم يعرفوا شركات الطيران اللي بتقدم أكل حلال، غير كدة بيعرفوك المساجد اللي ممكن تلاقيها في كل بلد هتزورها.

ازاي بيحددوا المطاعم اللي بتقدم أكل حلال؟

من خلال موقعهم Zabihah.com بيأكدوا ان الطريقة الأمثل اللي بيقرروا بيها يضيفوا محل لقائمتهم هي ان المطعم أو المحل ده يكون بيقدم على الأقل طبق واحد حلال. بالطريقة ديه وصلوا لأكثر من ٢٠،٠٠٠ مطعم بيقدم أكل حلال في كل بلاد العالم والمطاعم ديه اتكتب عليها أكثر من ١٠٠،٠٠٠ review من المستخدمين.

تطبيق Zabihah للأكل الحلال

تقدر تنزل الأبليكيشن للايفون من هنا وللأندرويد من هنا.

مشروع سفر
مشروع سفر
منصة إلكترونية تحتوي على مقالات مختلفة عن كل ما له علاقة بالسفر عشان تساعد المصريين في إنهم يسافروا أكتر.