أفضل ١٠ مقالات عن السفر في ٢٠١٦

أفضل مقالات السفر في ٢٠١٦
December 31, 2016

٢٠١٦ هي كانت بداية مشروع سفر وبعد سنة تقريباً من انطلاقنا وبداية سنة جديدة للموقع، قررنا نشاركم بأهم وأحلى المقالات اللي تم نشرها على موقعنا في كل شهر من شهور السنة. تم اختيار المقالات ديه لإنها أكثر مقالات تم قرائتها على مشروع سفر في خلال السنة.

مؤكد ان كل مقالة منهم هتفيدك بشكل أو بآخر لإنها بالتأكيد فادت مسافرين كتير جداً يكتشفوا أماكن مختلفة ويمروا بتجارب جديدة عليهم. دول زهم ١٠ مقالات في ٢٠١٦ على مشروع سفر:

– ٦ أساطير عن الشينجن لازم نبطل نقولهم

فيزا شينجن في باسبور

قبل ما بتقرر تسافر اوروبا وتقدم على شينجن، كل اللي حواليك بيبدأوا يخوفوك من التجربة ويعقدوا عليك الإجرائات رغم ان الفكرة ملها في ورقك. ورقك مظبوط وجبت كل اللي مطلوب منك يبقى فرصتك كبيرة والموافقة بترجع بعد كدة لمسئول السفارة. طبعاً الأمور بقت أرخم بعد التعويم من حيث حاجة واحدة وهي الفلوس، لإن لازم حسابك في البنك يثبت انك هتقدر تغطي مصاريف رحلتك اللي ثمنها اضاعف دلوقتي لكن في المجمل التجربة أبسط من اللي بنسمعه.

– ٧ اسباب يخلوك عايز تروح هونغ كونغ

مصري في هونغ كونغ

من البلاد المنسية. هون كونغ ليها ميزة رهيبة بالنسبة للمصريين وهي ان دخولها من غير فيزا! وديه لوحدها دافع كافي انك تروح هناك. غير كدة البلد ماليانة معالم سياحية وثقافات تستحق انك تشوفها. في المقالة ديه، كريم علي بيحكي عن تجربته هناك وبيقولنا نصائح مهمة لو عمرك ما روحت هونغ كونغ.

مقالات أكثر عن آسيا هتلاقيها هنا.

– ٦ أيام في كيب تاون، جنوب افريقيا

مصري في جنوب افريقيا

مصور محترف بيحكلنا عن ٦ أيام في أجمل بقاع افريقيا. جنوب افريقيا من البلاد اللي بتد يالمصريين تأشيرة من غير فلوس. وغير ان البلد فيها مناظر طبيعية رهيبة وأماكن كتير تروحها، كيب تاون بالأخص تجربة فريدة جداً وهتعرفها أهمية السفر لافريقيا.

شوف مقالتنا عن بلاد افريقيا هنا.

–  ماليزيا: طيران، إقامة، مواصلات وفسح

مصرية في ماليزيا

بلاد تانية تقدر تدخلها من غير فيزا لمدة ثلاث شهور وفيها تنوع جميل. في المقالة ديه منة حمدي بتحكلنا عن كل اللي عملته في ماليزيا بتفاصيل التفاصيل  وبالأسعار. لو بتفكر تسافر هناك قريب فالمقالة ديه هتساعدك جدا.

مقالات أكثر عن ماليزيا هتلاقيها هنا

– ليه مش هروح روما تاني

مصري في روما

زي ما بنبين الجاب الحلو في تجارب السفر لازم نبين الجانب الوحش. عبدالرازق راح روما وقرر انه مايروحهاش تاني ابداً ورغم ان كلنا بنسمع كلام جميل عن روما، المقالة ديه فيها تجربة تانية هناك صاحبها كره بعدها المدينة.

ولو عايز تعرف تجارب أكثر عن مدن اوروبا ادخل هنا

– ٨ مدن أوروبية مش مشهورين أرخص لينا كمصريين

مدن اوروبية

الصورة: travel-wise.com

قارة أوروبا مش مشهورة بالنسبالنا غير بكام دول كل ناس لما بتسافر هناك لازم بتروحهم. البلاد ديه هما فرنسا، المانيا، أسبانية، هولندا، إنجلترا وإيطاليا. ومع إن أوروبا فيها ٥٠ دولة إلا أن التسويق السياحي مش بيتعمل غير على ١٠ دول بالكتير فمحدش يقدر يلومك انك مش عارف بقية الدول الأوروبية الجميلة اللي ممكن تروحها. وده اللي بنتكلم عليه في المقالة ديه.

تفاصيل السفر للبنان وتعمل ايه هناك

سياحة لبنان

من أفضل المقالات اللي اتنشرت على مشروع سفر. اسلام أشرف ابراهيم بيحكلنا عن أيامه في أكثر من مدينة في لبنان وبيقولنا أسعار كل حاجة هناك من التنقل للأكل والخروجات. من بعد المقالة ديه هتكون عارف كل حاجة محتاج تعرفها عن لبنان.

أسباب تخلي طلبك للشينجن يترفض

فيزا شينجن

الصورة: barcelonacheckin.com

بعد ما أخد الشينجن أكثر من مرة، محمد كامل بيكتبلنا عن أساسيات ممكن تخلي طلبك للشينجن يترفض. وبما ان ناس كتير طلبهم بيترفض فإحنا شايفين المقالة ديه من الأساسيات اللي لازم تقرأها قبل ما تقرر تقدم على فيزا اوروبا.

شوف مقالات أكثر عن فيزا الشينجن والتقديم عليها هنا

– السفر لجورجيا خطوة بخطوة

مصري في جورجيا

جورجيا من أسهل البلاد اللي تقدر تاخد فيزتها ومن غير ما تروح السفارة أو تعمل مقابلة. الموضوع كله عبارة عن شوية أوراق بتقدم عليهم من خلال موقع السفارة وبس. محمد عبدالرحمن قضى هناك تجربة جميلة ورجع شرحلنا ازاي أي حد يقدر يسافر هناك بسهولة من أول الفيزا للطيارة للحاجات اللي هتعملها وأنت هناك

ادخل هنا وشوف مقالات أكثر عن جورجيا

– ٨ أسباب يخلوك تحب برشلونة أكثر من أي مدينة تانية

برشلونة من فوق Park Gaudi في ٢٠١٦

في Park Gaudi

تقريباً معظم الناس اللي بتروح برشلونة بيرجعوا موهومين بيها وبيقعدوا يتكلموا عنها طول الوقت. كان عندي فرصة اني اقعد فيها تقريباً ٥ ايام واكتشفها واعرف ليه الناس بيحبوا برشلونة أوي كدة. المقالة ديه اللي كتبها مؤسس الموقع عبدالرحمن عمرو فيها ٨ أسباب هيخلوك تحس نفس الإحساس ده

لو استفدت من مجوعة مقالتنا في ٢٠١٦ اعمل شير أو ابعتهم لصحابك

مشروع سفر
مشروع سفر
منصة إلكترونية تحتوي على مقالات مختلفة عن كل ما له علاقة بالسفر عشان تساعد المصريين في إنهم يسافروا أكتر.