مصطفى أمين: شرح مبسط لبرنامج Couchsurfing

Couchsurfing شرح
January 23, 2017

لسة فى ناس مش عارفة ايه هو برنامج Couchsurfing. المقالة ديه هيكون فيه شرك بسيط يساعدك تعرف تستخدم البرنامج بسهولة.

أول حاجة بتسجل فى الموقع او تحمل البرنامج وتدخل بأكونت الفيس بوك بتاعك.

الموقع الرئيسى: www.couchsurfing.com

حمل تطبيق الموبيل من هنا : https://goo.gl/e5IxZV

تانى حاجة تعملها هي انك تكمل بيانات البروفيل بتاعك وتخليه كامل.

١-هواياتك وايه اللي بتحب تعمله في حياتك

٢-سنك، اللغة، الكلية او المدرسة او الوظيفة

٣-البلاد اللي انت زورتها

*اقرأ أيضاً: دليلك لإستخدام Couchsurfing

كدا خلصنا التسجيل ندخل بقى فى الموضوع :) فيه طريقتين أساسيتين تقدر تستخدم بيهم Couchsurfing.

أول طريقة:

أنت مثلاً عايز تسافر ثلاث أو أربع أيام وميزانيتك مش سامحة انك تقعد فى فندق او هوستيل، بالتالى هتدخل على البرنامج و تكتب البلد اللى عايز تروحها مثلا اليونان. هيظهرلك دلوقتى كل الناس اللى ممكن تستضيفك عندها ببلاش ومعظم المستضيفين بيبقوا مصورين السراير أو الكنب الى هتناموا عليها وكاتبين كام سرير وممكن يستضيفوا كام واحد.

تاني طريقة:

لو حضرتك مسافر مثلاً النمسا وحجزت فندق خلاص ومسافر بكرا و كله تمام :D بس انت متعرفش حد فى البلد ولا تعرف هتتفسح فين والاماكن اللى ممكن تزورها. ساعتها هتدخل برضو على البرنامج تكتب البلد اللى انت رايحها وهتلاقى ناس كاتبة (Wants To Meet Up) يعني عايز يقابل حد من الموقع مش هيستضيف حد. هتدخل على اي واحد فيهم وتبعتله رسالة بموعد وصولك وهو ممكن ياخدك من المطار يوصلك لحد الفندق (طبعا ببلاش) وهيبقى معاك طول المدة اللى انت هتقعدها فى البلد او على حسب الاتفاق ما بينكوا وهيفسحك في كل مكان في البلد لانه عارف اكيد كل الاماكن الى ممكن تتزار فى في بلد.

*اقرأ أيضاً: السفر على الكنبة بأقل التكاليف

لو عندك أي استفسار بخصوص Couchsurfing من فضلك سيبه في الكومنتس وهرد عليك.

مصطفى أمين
طالب بكلية تجارة فى السنة الثالثة بيحب السفر جدا