فاطمة الشوربجي: الفرق بين السفر السياحي وسفر التطوع

سافر Have A Dream
March 19, 2017

بيقولوا في السفر ١٠ فوائد..صحيح لحد دلوقتي مش عارفة ايه هما العشر فوائد دول الا اني اقدر اقول ان مش كل السفر له نفس القدر من الفوائد دي. المقالة ديه هتعكس أهم ما في تجربة التطوع في السفر في اقرة عظيمة زي قارة افريقيا وفي بلد رائعة زي غانا.

ايه الفرق بين نوعين السفر؟

فرق كبير بين السفر للترفيه اللي بتروح فيه تزور أماكن أثرية أو طبيعية ممكن تقرأ عنها على الإنترنت ويكون سفرك ليها مجرد لمسة أخيرة لجعل الصورة اللي في ذهنك عنها حية وبين السفر لغاية كبيرة وأهداف نبيلة زي خدمة الإنسانية وتطوير الذات وإثراء الحضارة الإنسانية حتى ولو كان جزء منه ترفيهي.

اعتقد ان النوع الثاني من السفر هو اللي ليه ١٠ فوائد ويمكن مش هكون ببالغ لو قلت فيه ملايين الفوائد. وده اللي توصلتله من خلال تجربتي في التطوع مع Have A Dream في افريقيا وتحديداً في غانا.

*اقرأ/ي أيضاً | التطوع في الصين مع Have A Dream

Have A Dream التطوع مع

في غانا، الحياة مختلفة تماماً عن أي بلد روحتها قبل كده. الحياة هنا أبسط بكتير مما كنت اتخيل.

كنت فاكرة ان العالم فعلاً اصبح قرية صغيرة وان اي حاجة موجودة في بلدك لازم هتلاقيها في اي بلد تانية في العالم. لكن في الحقيقة فيه بلاد منفصلة تماماً عن القرية الصغيرة دي، بلاد بيتصدر لها معتقدات معينة وأفكار معينة، الحقيقة بعيدة عنها طول الوقت.

اللي علمته للأطفال واللي انا اتعلمته

دي اول مرة في حياتي احس ان عليا التزام تجاه قارة بأكملها اسمها افريقيا في اللحظة اللي انا كنت واقفة فيها قدام اطفال من غانا بكلمهم عن درس الالتزام في كتاب “التعليم الديني والأخلاقي”. الالتزام تجاه الله وتجاه المجتمعات اللي بننتمي ليها: البيت، المدرسة، دار العبادة، بلدك، قارتك..

سافر غانا مع Have A Dream

علمتهم أن عليهم التزام تجاه العالم والارض وحتى الكون كله وفي نفس الوقت كنت بعلم نفسي معاهم معنى الالتزام والانتماء وبفتكر معاهم هويتي الضايعة. يمكن يكون اسبوع، اسبوعين، شهر او شهرين في حياتك نقطة تحول تغير مسار حياتك بالكامل وغالباً نقطة التحول دي هتكون وأنت على سفر :)

لو حابب تعرف أكثر عن Have A Dream ادخل على صفحتهم على الفيسبوك أو شوف برنامجهم الجديد في افريقيا

Have A Dream
Have A Dream
منظمة بتساعد على توفير رحلات تطوعية ثقافية وفرص تدريب للشباب في مختلف دول العالم. هدف الفرص ديه هي تعليم وتطوير الأفراد من خلال تجارب جديدة عليهم بتساعدهم يشوفوا العالم في نفس الوقت.