محمد رفعت: اسافر فين لو عمري ما سافرت قبل كدة؟

اسافر فين
March 30, 2017

مشكلة دائماً بتواجه الناس اللي عمرهم ما سافروا قبل كدة وهي انهم مش عارفين يبدأوا سفر منين أو ايه الدولة اللي يختاروها. عشان كدة حتى بعد ما بتاخد القرار وتظبط الفلوس، بتبدأ تفكر وتسئل نفسك: اسافر فين ؟ هتكلم هنا عن أكثر من مكان تقدر تروحه على حسب اهتماماتك واللي بتحبه وعلى حسب الفيزا طبعاً.

لو انت خدت قرار السفر ومش عارف تبدأ منين ،قدامك الآتى:

١- لو انت عايز تسافر بلد من غير فيزا وفيها تقدم إلى حد ما ورقي يبقى تروح ماليزيا

*اقرأ/ي أيضاً | دليل السفر والفسح في ماليزيا

٢- لو انت عايز بلد من غير فيزا برضه ومدمن مناظر طبيعية يبقى عليك وعلى إندونيسيا

اقرأ/ي أيضاً | أحلى أماكن روحتها في اندونيسيا

٣- لو عايز تروح بلد فيها شبه من أوروبا وفيزتها سهلة من على الإنترنت يبقى تروح جورجيا

 اقرأ/ي أيضاً | ازاي تطلع فيزا جورجيا الإلكترونية بدون رفض

٤- لو عايز تروح بلد فيزتها سهلة جداً كبداية لواحد باسبوره فاضي يبقى تايلاند (محدش بيترفض تقريباً)

اقرأ/ي أيضاً | تعمل ايه في ٥ أيام في تايلاند

٥- عايز تروح بلد بفيزا سهلة برضوا من السفارة عندك الهند ،فيزتها سهلة جداً.

اقرأ/ي أيضاً | السفر لثلاث مدن في الهند

٦- لو بتحب الطبيعة وعايز فيزا من على الإنترنت عندك فيتنام وسريلانكا

اقرأ/ي أيضاً | ثلاث أيام في سريلانكا

٧- عايز بلد تجمع بين جمال الطبيعة والتقدم وتقعد فيها وقت قصير ومن غير فيزا يبقى هونغ كونغ

اقرأ/ي أيضاً | ٧ أسباب يخلوك تروح هونغ كونغ

٨- عايز تغير جو في بلد قريبة روح لبنان وخد التأشيرة من المطار (بس لازم يكون معاك ٢٠٠٠ او ٣٠٠٠ دولار كاش للاطلاع في المطار يأما تطلع الفيزا من هنا) الحياة في لبنان غالية لكن الطيران رخيص.

اقرأ/ي أيضاً | تفاصيل السفر للبنان وتعمل ايه هناك

٩- عايز تعمل شوبينج حلو ومش فاضي لإجراءات الفيزا ،روح دبي، فيزا سهلة من اي شركة سياحية او على موقع شركة الطيران الاماراتي.

اقرأ/ي أيضاً | ليه دبي هتغير فكرتك عن دول الخليج

المهم انك تسافر! لو استفدت من المقالة ديه اعملها شير وتابعوني على صفحتي اللي بنقل فيها خبرتي البسيطة في السفر هنا.

اسافر فين

محمد رفعت صادق
محمد رفعت صادق
شاب مصري بيعشق السفر. محمد بدأ أول سفرية ليه في ٢٠٠٨ جوا مصر بس، ساعتها كان عنده ١٨ سنة. في ٢٠١٥ سافر برة مصر لأول مرة ومن ساعتها بدأ الإنطلاق وزار ماليزيا واندونيسيا وتايلاند وهونغ كونغ ومكاو وفيتنام ولسة مكمل.