ايمان أحمد: ليه المصريين لازم يسافروا الجزائر

فيزا الجزائر من مصر
April 18, 2017

ليه تروح دولة أوروبية وانت مش فاهم لغتهم ولا هما فاهمينك لما ممكن تروح دولة عربية بنفس الجمال والطبيعة الأجنبية وباقل التكاليف وهيبقوا فاهمينك وانت فاهمهم لما تتكلم.

*اقرأ/ي أيضاً | اسافر فين أول بلد لو عمري ما سافرت قبل كدة؟

الجزائر من اجمل ١٠ بلدان في العالم في رأيي من حيث جمال الطبيعة وتنوعها حتى انها احتلت المرتبة السادسة ما بين الجزر العالمية من ناحية الجمال والأولى ما بين الدول شواطئها الخلابة حسب تقرير منظمة البيئة العالمية و للاسف قليل جدا لما حد بيتكلم على البلد الرائعة دي.

الورق المطلوب للفيزا:

ملء استمارة طلب الفيزا-

صورتان شمسيتان-

جواز السفر وصورة عنه ويجب أن يكون ساري المفعول غير منتهي-

خطاب من جهة العمل مصادق عليه-

رسوم التأشيرة حسب الجنسية والمدة-

حجز في الفندق +استمارة طلب تأشيرة سياحية-

الشعب

الشعب الجزائري بالفعل عكس ما كل المصريين فكرنهم هما شعب متسامح مضياف وطيب جدا ولما يعرفوا انك مصرى بيفرحوا بيك جدا واللي بيسأل هناك على مكان مايتوهش الف يدلك مش زي عندنا.

سافر الجزائر

ممكن كمان وانت خارج تستعمل المواصلات العامة بما انها نضيفة جداً.

الأماكن اللي تتزار هناك:

لو رايح فالشتاء ممكن تروح تتزلج في الجبال في جرجرة جبال الشريعة بتكون مغطياه بالثلج

مقام الشهيد من اهم معالم العاصمة، كنيسة سيدة افريقية، كنيسة القلب المُقدس، ميناء سيدي فرج  وفى جوامع أثرية كتير.

لو انت في العاصمة وعايز تعمل shopping يبقى في شارع ديدوش مراد هتلاقي كل حاجة حتى المنتجات التقليدية في بردوا المولات بس هتكون غالية شوية.

تذاكر طيران الجزائر

و فى كمان الغابات ومحمية طبيعية للقرود

هتقدر كمان تشوف  في الجزائراثار رومانية، فرعونية، عثمانية وكمان آثار من العصر الحجري

حاجة كمان لطيفة تقدر تعملها هي انك تركب التلفريك وتشوف جمال الطبيعة مع البحر

وطبعا الاكل بتاعهم لا يعلى عليه إن كان مالح او حلو

لو فضلت اقول عن جمال وعظمة البلد دي مش هخلص فعلا البلد دي مش واخدة حقها لازم كل واحد يروح يزور البلد دي وكل ده هيكلفك أقل من ٣٠٠ دولار شامل الفيزا وتذاكر الطيران بس مع الخطوط الجزائرية والفندق و كمان هيكون معاك فلوس زيادة ليك.

سياحة الجزائر

لو عجبتك المقالة ديه ابعتها لحد عايز تسافر معاه قريب!

إيمان أحمد
إيمان أحمد
كاتبة مشروع سفر خريجة كلية اللغات و الترجمة قسم اللغة الفرنسية 23 سنة