إيمان أحمد: تاكل ايه لما تروح الجزائر

سافر الجزائر
April 30, 2017

المطبخ الجزائري من المطابخ الأكثر تنوعا فى العالم زى كل دول شمال افريقيا معروفين بأكلاتهم المشهورة عالميا الغنية عن التعريف بس اغلبية الناس فاكرين ان دول المغرب العربى مفيهاش غير الكسكسى بل بلعكس دول عندهم بحر من الاكل التراثى.

الأكل الجزائري

الاكل الجزائري هو عبارة عن خليط من من المطبخ الامازيغي، العثماني ،الأندلسي والعربى و طبعا كل الاكل هناك حلال. زى ما حصل السنة اللى فاتت مسابقة كأس العالم فى فن تحضير الحلويات وحصلت الجزائر على المركز الـ١٤ عالميا والاول فى افريقيا

كل ولاية في دولة الجزائر هتلاقيهم مشهورين بأكلة معينة من اشهر الاكلات المالحة

البوراك، خبز الدار، خبز المطلوع، بريك بالخضار والتونة ،رشتة بالجاج(الفراخ) ، حريرة ،طاجين الدجاج بالزيتون، دولمة.

غير طبعاً المحاجب، المثوم، الرشتة بالدجاج، اللحم الحلو، الشوربة، الكباب، الشخشوخة، كارنطيطة، بركوكس و طبعا الكسكى بالدجاج والحوت (السمك) والخضار واللحم واكلات تانية كتير غالبية اكلات دول المغرب العربي قريبة من بعض

أكلات الجزائر

اما بالنسبة للحلويات طبعا لا يعلى عليهم و اغلبية الحلويات الجزائرية معمولة باللوز من أشهرهم:

المخبز، مقروط اللوز والعسل، لبراج،  باقلاوة، لعرايش، دزيريات، تشاراك مسكر، قنيدلات، رفيس، قلب اللوز، قرن غزال، وردة الرمال، محنشة، صامصة، طمينة، البغرير، مشوك، لمسمن، لقريوش وحاجات تانية كتير كمان.

حلويات الجزائر

و طبعا فى مطاعم تركية، سورية، مصرى ولكل الدول الأجنبية لو هتكون في العاصمة بذات هتلاقي كم كبير من المطاعم دي والاسعار هتكون كويسة مش غالية.

لو عايز تعرف أكثر عن الجزائر وليه لازم تسافر هناك أدخل على المقالة ديه اللي بشرح فيها تجربتي هنا.

إيمان أحمد
إيمان أحمد
كاتبة مشروع سفر خريجة كلية اللغات و الترجمة قسم اللغة الفرنسية 23 سنة