هالة عبدو: معلومات تساعدك في التقديم على فيزا كندا

فيزا كندا
May 7, 2017

كان في ناس كتير بتسأل علي فيزا كندا السياحة وناس بتقول انها كلها بتترفض لدرجة اني انا نفسي خفت لما قدمت..بس عايزه اقول اني اخدت الفيزا الحمد لله و جت بعد ٥ ايام بالظبط!

المقالة ديه في تجميع لكل الاوراق والخطوات للفيزا جايز يساعد حد..

التقديم اونلاين او بنفسك، لو أونلاين هتضطروا تجمعوا كل حاجة في فايل واحد pdf و شغلانة وكده كده هتروحو برضوا عشان biometric فالأحسن حاجة ان تقدمو الأوراق في Vfs Global في ٤٤ شارع الدقي الجيزة أمام مجلس الدولة من غير مواعيد ولا حاجة لو كلمتوهم احتياطي هيقولوا تعالي اي وقت من ٩ ل ٢ وبتاخدي معاكي

الأوراق

١) الابليكيشن ودي بتجيبيها من الموقع بتاع السفارة وبتمليها pdf ولازم يكون نسخة الـ adobe الاخيرة

٢) ال family information ودي برضوا pdf نفس الكلام بتكتبي كل معلومات اهلك واخواتك وكده حتي لو مش متواجدين أو حتى لو مش شقيق.

٣) صورتين شخصية جديدة ومش نفس اللي على الباسبور.

٤)صورة الباسبور الحالي وصور Travel history جميع التأشيرات اللي قبل كده والاختام و لو في valid visa طبعاً.

٤) خطاب اصلي من نفس العمل اللي مكتوب في الابلكيشن.

٥) Bank statement و يكون في مبلغ كويس يكفي هناك وطبعا في transactions وكده.

٦) vfs consent ودي ورقة ممكن يا تطبع اونلاين وممكن تعملوها هناك مش مشكلة ده بس إقرار انكوا بتسلموا Vfs اوراقكم تحت مسؤوليتكم وكده.

٧) حجز فندق عادي booking free cancellation في نفس المده المكتوبة في الابليكيشن وممكن طيران لو عايزين انا عن نفسي مقدمتش عشان مبحبش اقدم حجز Fake وكندا وامريكا مش بيهتموا لانهم Multiple long term visa

٨) اهم حاجة اوعوا تنسوها جميع الباسبورات القديمة مش بس اللي هتسافروا بيه عشان هيدبسوهم وياخدوهم كلهم.

صلاحية الفيزا

ملاحظة مهمة: الفيزا بتيجي علي حسب Validity of passport يعني لو يخلص ٢٠١٧ هتيجي لحد المعاد ده لو هيخلص ٢٠٢٢ هتيجي لحد المعاد ده وهكذا. فخدوا بالكوا تجددوا الباسبور الاول.

وراجعوا برضة الاوراق المطلوبة اونلاين عشان لو ناسية حاجة وهناك هتدفعوا كاش بالمصري.

ملحوظة: انا كنت مقدمة سياحة عادي بس كنت عاملة Explanation letter معاه ورقة الإقامة الكندي بتاعة اخويا و عنوانه هناك ومعايا فيزا امريكا سارية فممكن ده اللي ساعدني اكتر بس انا برضوا حبيت اساعدكوا تطمنوا لو حد ناوي يقدم طول ما الورق مظبوط وغرض السفر مقنع مفيش رفض انشاءالله..

*اقرأ/ي أيضاً | ازاي تقدم على فيزا كندا في خطوات سهلة وبسيطة

هالة عبدو
هالة عبدو
مقولة هالة المفضل هي: "I travel not to escape life, but for life not to escape me" ورغم انجزء من شغلها هو السفر إلا انه السفر هوايتها في نفس الوقت. هالة بتساعد المسافرين في تنظيم رحلات وخصوصاً رحلات شهر العسل.