مروة الكتامي: ٦ اماكن لازم تزورها في ريو دي جانيرو، البرازيل

مناظر طبيعية في البرازيل
May 10, 2017

إحساس مختلف قوي ومميز بيجيلك أول ما تبقى فالطيارة وتشوف تمثال المسيح لما الطيارة تعدي جنبه فتعرف أنك وصلت مدينة الطبيعة والتاريخ ريو دي جانيرو.

إحساس فعلا ما يتوصفش لما تبقى في مدينة بتجمع بين الجبال والخضرة والمطرة والشواطىء الجميلة. ساعتها هتعرف وتتأكد إن مغامرة ريو بتبدأ فعلا..مستعدين؟ دول ٦ أماكن لازم تعدوا عليهم لو حظكم كان حلو وروحتوا المدينة الرائعة ديه:

شواطئ كوباكابانا وايبانيما اللي تعتبر من أشهر شواطئ البرازيل و ريو في الخصوص. هناك على الشاطئ في أنشطة كتير غير السباحة منها التمشية على الرصيف الطويل أو لعب الكورة على الرملة..ده غير المطاعم والبارات المتاحة هناك على الشط.

شواطئ البرازيل

استاد ماراكانا المشهور (أكبر إستاد كرة قدم في البرازيل واللي إتلعب فيه نهائي كأس العالم سنة ١٩٥٠

أحياء لابا و سانتا تيريزا التاريخية.الأحياء دي تشتهر بوجودها في وسط المدينة وهي تأسست في وقت الإستعمار البرتغالي للبرازيل عشان كدا بتتميز بعمارتها المميزة..يلا نتمشى هناك :)

مرتفعات ريو دي جانيرو الجميلة زي كوركوفادو Corcovado اللي عليه تمثال المسيح المشهور وجبل Pão de açucar. هناك ممكن تطلع الجبل بالتلفريك وتتفرج على بانوراما المدينة من فوق.

السفر للبرازيل من مصر

، أقدم فندق في ريو دي جانيرو ..متميز بمعمار مختلف عن باقي المباني في المدينة وموجود في حي كوباكابانا.

معمار برازيلي

كاتدرائية سان سيباستيان، بتتميز بمحاكاة شكل الهرم في تصميمها المعماري. مكان جميل ومبهر فعلا موجود في وسط المدينة.

شوية معلومات ونصائح كدا عالماشي بخصوص الأمان في ريو:

بلاش المشي بليل لوحدنا في مناطق وسط المدينة لانها مش أمان.

نخلي بالنا ومنبينش إننا أجانب على قد ما نقدر.

ياريت منبينش الكاميرا او نلبس ساعة غالية أو مجوهرات عشان خطر السرقة والعنف. ريو من أجمل مدن العالم ولكن من أخطرهم كمان.

تمثال المسيح البرازيل

تابعوني الفترة الجاية عشان هنزل مقالات أكثر عن السفر للبرازيل..بتمنالكم سفر سعيد.

وتقدروا تتابعوا صور مروة في البرازيل على انستجرام وعلى فيس بوك

مروة الكتامي
أثرية مصرية بتحب السفر من صغرها، بدأت تسافر برة مصر من سنتين ومقيمة حالياً في البرازيل