١٠ حاجات تعملها ببلاش لما تكون في باريس

قوس النصر
August 28, 2017

باريس مدينة رائعة فيها مليون حاجة ممكن تتعمل، بس في نفس الوقت تعتبر من أغلى المدن في العالم. ومع الفرق بين اليورو والجنيه، احتمال تضطر تدفع فلوس كتير كل يوم وانت هناك. لكن زي بقية مدن العالم، فيها طرق كتير تقدرمن خلالها تستمتع بوقتك من غير ما تصرف كل فلوسك.

جمعنا شوية أنشطة تقدر تعملهم هناك ومش هيكلفوك أي فلوس أو لو هتدفع حاجة هتكون حاجات بسيطة زي أكلك وشربك انما النشاط نفسه مش مكلف.

Canal St.Martin اشتري أكل وافطر قدام

هتبقى فوت متعة كبيرة لو كنت في باريس ومشتريش أكل واقعدت قدام Canal St. Martin. المكان ده مشهور بالنسبة للباريسيين والسياح بالذات في الصيف، لما بيكون الجو جميل ومشمس. هات فطارك مثلاً وحاجة تشربها واقعد هناك استمتع بالجو والمنظر.

*اقرأ أيضاً | ٥ أكلات في باريس للناس اللي معهاش فلوس كتير

جولات مشي في المدينة

كل يوم الساعة ١١ والساعة ١ بتنطلق جولات مشي ببلاش من مكان أسمه Place St. Michel. الجولة مدتها بتبقى ثلاث ساعات ونص وبتلف كل الأماكن المعروفة في باريس. اعمل حسابك انك هتمشي كتير بس هتشوف كل الأماكن اللي نفسك تشوفها. الجولة نفسها ببلاش بس يُفضل تدي لمدير الجولة أو المرشد السياحي زي إكرامية بسيطة.

Notre Dame زور  

من أشهر كنائس فرنسا ودائما مفتوحة للجميع من غير رسوم دخول، بس لو حابب تطلع برج الكنيسة وتشوف المدينة من فوق هتضطر تشتري تذكر. غير كدة الكنيسة متاحة ليك تلف فيها براحتك.

كاتدرائية نوتردام باريس

سفرية باريس ٢٠١٦

Sacre Coeurشوف باريس من فوق عند ال

كنيسة كاثوليكية في منطقة Montmartre، أفضل الأماكن في باريس. هناك تقدر تشوف جمال المدينة كلها من فوق وتقدر تدخل الكنيسة نفسها من غير فلوس. قدام الكنيسة في سلالم وجنينة صغيرة، تقدر تقعد هناك وتستمتع بمنظر باريس كلها من فوق.

*اقرأ أيضاً | ازاي تقضي يوم كامل في مونمارت بأقل فلوس

كنيسة القلب المقدس باريس

الصورة: res.cloudinary.com

Maison de Victor Hugo اتفرج على متحف

متحف الشاعر والروائي المشهور فيكتور هوجو ويعتبر من معالم باريس. المتحف عبارة عن بيت الأديب اللي كان عايش فيه لمدة ١٦ سنة وهو واجهة سياحية مشهورة هناك تقدر تدخلها ببلاش في أي وقت في السنة.

*اقرأ أيضاً | ازاي تدخل متاحف ومعالم باريس ببلاش

Champs de Mars اقعد في جنينة

ده أسم الجنينة المشهورة اللي موجودة قدام برج ايفيل. المكان جميل جدا لو عايز تجيب ملاية وأكل وتتفرج على جمال برج ايفيل سواء الصبح أو بليل. بس قبل ما تعمل كدة شوف المقالة ديه واعرف نصائحنا عن منطقة برج ايفيل واللي حواليها.

الجنينة اللي قدام برج إيفيل

Rue Denoyez لف في

الشارع ده مشهور بالجرافيتي في كل حتة وكونه مكان للفن ولفنانين كتير في باريس. سواء كنت مهتم بالفن أو لأ، هتنبهر في كل خطوة وانت بتتمشى هناك.

Champs-Élysées اتمشى في شارع 

من أجمل الشوارع في المدينة اللي لازم تتمشى فيها. لو مشيت الشارع كله (حوالي اتنين كيلو تقريباً) هتلاقي ال Arc de Triumph اللي عمله نابليون في آخر جزء من الشارع. المهم بس متشتريش حاجة من هناك عشان الأسعار أغلى من أي مكان تاني.

قوس النصر في باريس

سفرية باريس ٢٠١٥

Bastille Day احتفل بال

في ١٤ يوليو كل سنة، الفرنسيين بيحتفلوا بيوم الباستيل، أولي يوم بداية أحداث الثورة الفرنسية. بيبقى يوم جميل فيه أجواء احتفالية والعاب نارية في كل مكان. خليك في الشارع طول اليوم واحتفل مع الناس في الميادين المشهورة. كل المعلومات اللي محتاجها عن ال Bastille Day هتلاقيها هنا

برج إيفيل وألعاب نارية

احضر مهرجان باريس للجاز

المهرجان بيبقى في جزء من يونيه ويوليو وبيستمر لمدة ٨ أسابيع. مش كل الحفلات بتبقى ببلاش بس الاغلبية بتقدر تدخلها من غير ما تدفع فلوس.

قولنا أيه أحلى حاجة عملتها ببلاش في باريس في الكومنتات…

مشروع سفر
مشروع سفر
منصة إلكترونية تحتوي على مقالات مختلفة عن كل ما له علاقة بالسفر عشان تساعد المصريين في إنهم يسافروا أكتر.